Die dag toe ek bobbejaansnuif ontdek het
4
Aug 2021

Lees meer in

Die herinneringe is soms so helder soos gister.

As jong kind het ek gereeld naweke oorgebly by Oupa Boy en Ouma Lily. Hul huis, aan die bopunt van Truterstraat, was naby die dorpseinde, en net die Willemnelsrivier het die buurt geskei van die “kerkowwe” en “die lanne” (dorpsmeent).

My pa, Ouma Lil, Oupa boy, en ek.

Oupa Boy het Saterdae vroeg gebad, en dan het hy sy kruiwa met ’n goiingsak uitgevoer, en my dorpuit gestoot veld toe. Deur Hopley-laan, oor die bruggie, en dan verby die kerkhof, het die pad na die veld gelei, met ’n bloekombos knap na die meent. Oupa het gepraat van “bloggoms”, vermoedelik só afgelei: blue gums=blougom=bloggom.

Ek in die kruiwa.

By die eerste bobbejaansnuif het ons gestop, Oupa het my uit die kruiwas getel, en dan het ek die ryp swamme geskop. Nooit, nooit sal ek die bruin stofwolke vergeet nie, al proesend het ek en Oupa in ’n khaki-wolk gestaan; ek effe histeries.

Bobbejaansnuif. Foto: Dave Pepler

Bobbejaansnuif is ’n universele swam, Pisolithus arhizus, en kom veral onder bloekombome voor. Dit verskyn as ’n donkerbruin bal, en dis g’n wonder die ander volksnaam perdebal is nie. Mettertyd verleng die bal, ellipties, en dan, wanneer die spore ryp is, breek dit aan die bokant, en stel die spore vry aan die wind.

Die Engelse naam is dyeball, en om goeie rede. Mens kan hierdie swam gebruik om stoffasie te kleur, in tinte van roes en bruin. Veral in Chile, by die Mapuche, word it gereeld gebruik om Llama-wol te kleur.

Die wol nadat dit gekleur is.

Maar vir my is bobbejaansnuif die kode, die skakel, na tye van eerste ontdekking en eerste verwondering.

VRA VIR DAVE

Die dag as ‘n Springbok jou tuin invaar…

As jy nou wel Springbokke in jou agterplaas aanhou, dan is hier raad. Lees hier…

How to get rid of cockroaches in an ecologically friendly way

Follow this advice if you want to get rid of cockroaches without any unnatural poisons.

Reader asks: Can you identify this awfully ugly bug?

This little bugger is not what it seems to be.

HERINNERINGE

Dave onthou kinderdae, die ritueel van blomme pluk en sy geliefde Ouma

Ou, bekende reuke neem Dave terug na sy kinderdae en sy geliefde Ouma Lily.

Die dag toe ek bobbejaansnuif ontdek het

Die herinneringe is soms so helder soos gister.

Op soek na die graf van tant Ella

Ek was vandag soekend na die graf van tant Ella.

VERKENNINGS

Die disrespek en boewery van ons begraafplase

Die skending van ons begraafplase is iets wat aandag moet kry.

Beleef die natuur en die reukruim met Dave

Dave reël gereeld uitstappies met groepe wat belangstel om hul eie wilde sampioene te versamel asook praatjies oor parfuum.

All the photos from the coldest night of the year

Judging by these photos, it was indeed a cold night.