Dave se Sondagtafel
12
Des 2021

Lees meer in

Vandag kook ek met aspersies in pruscuitto, wortels en aartappels by persie-boud, en vir nagereg klassieke Engelse fool.

Aspersie met prosciutto crudo

 

‘n Gewaardeerde vriend boer in die Kalahari, daar oos van Van Zylsrus, teen die walle van die Molopo.  Dis hier waar ek die verstommende smaak en tekstuur van Presie-vleis die eerste keer beleef het.  Na daardie eerste proeslag, sal skaapvleis nooit weer dieselfde smaak nie, nog minder lamsvleis, wat my mateloos verveel.  Persies dra vet, baie vet, en mens moet maar afsny voor die skottel oond-toe gaan.

 

Hoofgereg:

 

  • Ontbeende Persie-boud, met skenkels

 

Eenvoud, soos alyd, met sulke primavleis.  Smeer die vleis met ’n dun lagie olyfolie (dit help die sout-en gamaalde peper kleef), en plaas in ’n oondskottel.  Na smaak, grofgesnyde ui, skywe suurlemoen en ’n takkie of twee vars roosmaryn, en geur met seesout en gemaalde peper.  Oondtoe, so teen 190C, bedek met foelie, vir ten minste 3 uur.  Verwyder nou die foelie, en voeg klein wortels en artappels by, en terug oondtoe vir nog 40 minute. As bygereg, aspersie met prosciutto crudo.  In ‘n plat oondpan, plaas die aspersies in kombersies van prosciutto crudo, op ’n smeersel olyfolie.  Rooster vir ongeveer 4 minute, todat die ham lekker begin kraak.

 

Ontbeende Persie-boud, met skenkels

 

Nagereg:

 

  • Mango Fool

 

Toe my ma as sjef in London gewerk het, was een van haar geliefde nageregte, die klassieke Engelse fool.  Tradisioneel is dit vrugte-puree, gewoonlik apeliefies, wat by geklopte room ingevou is.  Hierdie nagereg is reeds sedert die 1500’s bekend, en die oorsprong van die naam is vermoedelik uit die Franse “fouler”, wat gedruk, of gepars beteken.  Hier is my aanpassing van die ou resep, met mango.

 

Mango’s

 

Bestanddele:
  • 2 ryp mango’s, geskil en ontpit
  • Vars room
  • 1 eetlepel suiker – ek gebruik hier organiese bruinsuiker.
  • 1 teelepel vars suurlemoensap.

 

Metode:
  • Sny die mangostukke in klein blokkies
  • Klop die room tot dit sagte pieke vorm
  • Verpulp die helfde van die mango
  • Vou nou die mangopulp by die room in
  • Onder in ’n desertglas, lepel ’n lagie pulp, dan die room, en versier met blokkies mango
  • Verkoel in yskas vir ten minste 1 uur.

 

Mango Fool

 

 

Wyn:

 

  • Reserve Cabernet Sauvignon van Boland Kelders.

 

As bosboustudent, by Saasveld, het ek die eerste keer kennisgemaak met Cabernet Sauvignon.  Die ou styl cabernet, donker soos skool-ink, hoë tannien, en met genoeg hout, onthou ek toentertyd se Neberburg Cabernet, teen 50c die bottel, en Alto Rouge, nogal “upmarket” teen 55c die bottel.  Dis wat ek altyd van hierdie ou wyne sal onthou, ’n vestommende “grip”, en ’n nasleep wat redelik linieër was.  Toe, in die 80’s, het ek kennisgemaak met die groot, gróót Franse versnitwyne.  Daar het ek geleer van “finish”, die nasmake wat eenvoudig aanhou en aanhou.

Boland Kelders se Reserve Cabernet Sauvignon (2019) is nog ‘n jong knaap.  Mens is dadelik bewus van die 14% alkohol, die intense kleur, en die digte neus.  Dis wat die kelder van hierdie wyn sê:

 

Boland Kelders se Reserve Cabernet Sauvignon (2019)

 

This handcrafted Cabernet Sauvignon has layers of ripe blackcurrant and spice flavours on the palate, well-balanced with firm structure and elegance followed by lingering savoury notes. Lengthy barrel ageing adds complexity and elegance to this richly layered wine. A full-bodied wine with excellent ageing potential. Delicious with grilled beef or any red meat dishes.”

 

My mening is dat hierdie wyn nog so 4-5 jaar moet sluimer om tot sy volle reg te kom, veral ten opsigte van die nasmaak.  Ek ruik donker vrugte (bessies) en een van die mees komplekse kruie-komponente wat ek al in ’n Suid Afrikaanse rooiwyn beleef het (ek verbeel my dat dit gerens aan ligte kerrie, en ek vermoed dat ’n riggel van borrie dit aanhelp).  Koop nou, en bêre hierdie wyn – oor 5 jaar het jy ’n meesterstuk.

Sondagtafel: Vroeë paasfees

Sondagtafel: Vroeë paasfees

Dave kook ter herinnering aan sy ma met eenvoud as sy riglyn. ‘n Vroeë paasfeestafel is gedek in die tuin.

What African countries got out of COP26

What African countries got out of COP26

In January 2015, a three-day rain displaced nearly quarter of a million people, devastated 64,000 hectares of land, and killed several hundred people in Malawi.

VRA VIR DAVE

Die dag as ‘n Springbok jou tuin invaar…

As jy nou wel Springbokke in jou agterplaas aanhou, dan is hier raad. Lees hier…

How to get rid of cockroaches in an ecologically friendly way

Follow this advice if you want to get rid of cockroaches without any unnatural poisons.

Reader asks: Can you identify this awfully ugly bug?

This little bugger is not what it seems to be.

HERINNERINGE

Vergete resepte – nes jou ouma dit sou maak!

Almal het ‘n ouma of ma wat ‘n dis kon gaarmaak en optower – en wat ons nooit meer vandag maak nie – maar wat ons vir altyd sal onthou.

Dave onthou kinderdae, die ritueel van blomme pluk en sy geliefde Ouma

Ou, bekende reuke neem Dave terug na sy kinderdae en sy geliefde Ouma Lily.

Hoe ons aardsheid ons wyse bepaal

Ek het in trane uitgebars, want in my geil verbeelding het daar ’n dooie hondjie gelê in elke bos riete, biesies en ruigte…

VERKENNINGS

Die disrespek en boewery van ons begraafplase

Die skending van ons begraafplase is iets wat aandag moet kry.

Beleef die natuur en die reukruim met Dave

Dave reël gereeld uitstappies met groepe wat belangstel om hul eie wilde sampioene te versamel asook praatjies oor parfuum.

All the photos from the coldest night of the year

Judging by these photos, it was indeed a cold night.